昨昏佮面友針對「#少子女化」交換意見，今仔日閣看著一篇對銀髮族健康 ê 重訓建議，就作伙整理來遮，予逐个參考：
我個人無認為「#少子女化」是一个（需要被解決 ê）問題，我顛倒認為是好代誌，原因：
1. 毋是這馬「#少子女化」，是彼當陣戰後嬰仔潮生了傷過濟，人口爆炸
（台灣戰後閣有百幾萬中國難民亂入，嚴重破壞人口結構+種族&文化清洗）
2. 未來真濟勞務工課攏會使透過自動化、AI、機器人去取代勞動力，勞工過剩顛倒會造成失業率衝懸，失業率懸就會紮來閣較濟社會問題
3. 高齡化、扶養比攏毋是下一代 ê「責任」，咱生囡仔絕對毋是為著「照顧老人」，而是希望 in 有完整 ê 人格佮人生
4. 老人家己 ài 較早開始規劃老年生活（包括退休金）並保持身體健康，若是身體機能衰退傷過嚴重，嘛毋通一直堅持無效醫療，ài 會當安享天年，莫造成囝兒 ê 負擔
5. 資源就是遮爾有限，越濟人分、資源就是越珍稀，且越會掌握佇特定人手頭；人口適量減少，才有機會予資源重新分配，地球 ê 負擔佮資源 ê 掠奪才有法度歇喘
另一種講法是有軍隊/國防/國安理由（兵源），但矛盾點佇 leh：
1. 未來 ê 戰爭袂侷限佇「人佮人對拍」ê 實體戰，資訊站、經濟戰、長程飛彈、無人戰機等等，「無人戰爭」才是未來 ê 潮流
2. 真正拍甲「人佮人近身肉搏」ê 時，大概嘛毋免閣打落矣
3. 有誰人會為著（預備將來會當）送囡仔去戰爭來生育？（頭殼歹去！）
4. 莫發動戰爭毋就好矣？
這馬 tsín 濟男性家己若去受幾工軍事訓練教召就唉爸哭母，閣向望 in 有法度上戰場咧？🙄️
坦白講，遐希望會當保有較濟勞動力（囡仔）--ê，多半攏是希望將來家己老矣閣有人會當服務自己（一切生活所需），而毋是為著囡仔本身 ê 利益佮福祉
【#銀髮族重訓】via @烏烏醫師
https://www.facebook.com/507714426316343/posts/1053097771778003/?d=n
【數位科技與關懷】via nagee
https://www.facebook.com/353390642311/posts/10157227772287312/?d=n
#吉卜力 #少子化
Search